फागुन १४, विश्वका चौंथा धनी व्यक्ति वारेन बफेटले आफूले बोकिरहेको २० डलरको सामसुंगको फ्लिपफोन छोडेर केही महिनादेखि एप्पलको स्मार्टफोन आइफोन ११ प्रयोग गर्न थालेका छन्। उनले यसको खुलासा एउटा अन्तरवार्तामा गरेका हुन्। आफ्नो सादगीपूर्ण जीवनका लागि परिचित बफेटले यो आइफोन आफूले किनेको नभइ उपहारमा प्राप्त भएको बताएका छन्।
उनले आफ्नो फ्लिपफोन सँधैका लागि बन्द भएको र नम्बर पनि बदलिएको बताए। ८९ वर्षको उमेरमा म अहिले आइफोन ११ प्रयोग गर्दैछु। म यस आइफोनमा रहेका सम्पूर्ण सुविधा प्रयोग गर्न असमर्थ छु। म यसको प्रयोग गेम खेल्न तथा सोसल मिडिया चलाउनका लागि नभै केवल फोनका लागि मात्र प्रयोग गर्नेछु। एजेन्सी
