फागुन १८ – नेपालबाट सबैभन्दा बढी निर्यात हुने वस्तुमा कपडा देखिएको छ।चालू आ वको शुरूआती महिनादेखि नै नेपालको निर्यात बढाउने प्रमुख वस्तु पाम आयलमा गत पुस अन्तिमदेखि भारतले प्रतिबन्ध लगाए पछि कपडा बढी निर्यात भएको देखिएको हो।भन्सार विभागले सार्वजनिक गरेको चालू आर्थिक वर्षको सात महिनाको तथ्याङ्कमा निर्यात हुने प्रमुख वस्तुमा बुनिएको कपडा देखिएको छ।
चालू आवको साउनदेखि माघसम्ममा २२ करोड ८८ लाख ७९ हजार केजी बुनिएको कपडा विभिन्न देशमा निर्यात भएको छ। यसबाट झण्डै दुई अर्ब रूपैयाँ भित्रिएको तथ्याङ्कले देखाएको छ।त्यस्तै ऊनी, गलैंचा तथा कार्पेट, भटमासको तेल, ओयल केक, डस्बिन, जुस, जुटबाट बनेका कपडा लगायतका सामान निर्यात क्रमश निर्यात भएका छन्।नेपालबाट सबैभन्दा बढी निर्यात गरिने देशमा भारत, अमेरिका जर्मन, बेलायत, टर्की र चीन रहेका छन्।
