फाल्गुण १८ – चीनमा कोरोना भाइरसले महामारीको रुप लिएका बेला चिनियाँ सुपर स्टार जैकी च्याङ पनि कोरोनाको संक्रमणमा परेको भन्ने खबर सामाजिक संजालहरुमा भाइरल भएको छ ।आफु कोरोनाको संक्रमणमा परेको विषय मिडिया र सामाजिक संजालमा फैलिए पछि अभिनेता जैकी च्याङले सामाजिक संजालबाट आफु कोरोनाको संक्रमणमा नपरेको स्पष्ट गरेका छन् ।
आफ्ना फ्यानहरुलाई सम्बोधन गर्दै जैकीले आफु संक्रमणमा नपरेको बताउदै सबै स्वस्थ्य रहन कामना गर्दछु भनेका छन् । उनले भनेका छन् – यति धेरै चिन्ताका लागि धन्यवाद । म सुरक्षित छु र स्वस्थ छु । सबैसँग नआत्तिन निवेदन गर्दछु । म क्वारेन्टाइनमा छैन । म आशा गर्दछु तपाईहरु सबै स्वस्थ हुनुहुन्छ ।’
