काठमाडौं । कोरोनाभाइरसको असर विश्वव्यापी देखा परेपछि नेपालमा थप सतर्कता अपनाइएको छ । आइतबारदेखि त्रिभुवन विमानस्थल भएर आवत जावत गर्ने सबै यात्रुलाई लाइनमा राखेुर चेकजाँच सुरु गरिएको हो । विमानस्थलका महाप्रबन्धकले जारी गरेको विज्ञप्तिअनुसार यसअघि सबै यात्रुको थर्मल स्क्यानरबाट चेकजाँच गर्दै आइरहेको भए पनि आइतबारदेखि ‘थर्मल गन’ समेतको प्रयोग गरेर सम्पूर्ण यात्रुहरुको शरीको तापक्रम चेकजाँच गर्ने कार्य सुरु गरिएको उल्लेख छ ।
विमानस्थलमा सूचनामुलक सन्देश नेपाली, अंग्रेजी र चाइनिज भाषामा प्रसारण गर्न थालिएको उनले जानकारी गराएका छन् ।चेकजाँचमा संलग्न एक अधिकारीका अनुसार यसअघि स्क्यानबाट गरिने भए पनि त्यसलाई धेरै विश्वास नगरेकाले ‘थर्मल गन’ को प्रयोग गर्नुपरेको हो ।पर्यटन तथा नागरिक उड्ययनमन्त्री योगेश भट्टराईले आइतबार नै कोरोनाभाइरस रोकथामका उपाय अबलम्बन गर्न मातहतका निकायलाई निर्देशन दिएका थिए । बाह्रखरी
