एजेन्सी फागुन १९;हङकङको क्याथे प्यासेफिक एयरलाइन्स ग्रुपले आफ्ना १२० जहाज ग्राउन्डेड गरेको छ। कोरोना भाइरसका कारण संसारभरका विभिन्न गन्तव्यमा उडान रोकिएपछि एयरलाइन्सले आफ्ना आधा जहाज ग्राउन्डेड गरेको हो।सन् २००३ मा फैलिएको सार्सका कारण एयरलाइन्सका ८० मध्ये २२ जहाज ग्राउन्डेड भएका थिए।
क्याथे ड्रयागन एयर पनि भएको ग्रुपले संसारका १०७ रुटका १०१ विमानस्थलमा उडान गर्दै आएको छ।हवाई यातायातसँग सम्बन्धित संघसंस्थाहरुले यात्रुको संख्यामा कमी आइरहे एयरलाइन्सहरुलाई थप ठूलो आर्थिक नोक्सानी हुने प्रक्षेपण गरेका छन्।
