धीरज काेरी कपिलवस्तु । २० फागुन कपिलवस्तु नगरपालिका स्तारिय दोस्रो राष्ट्रपति रनिङ शिल्ड प्रतियोगिता २०७६ सुरु भएको छ । कपिलवस्तु नगरपालिकाको आयोजनामा बुद्ध पद्य स्कुलको फिल्डमा रनिङ शिल्ड सुरु भएको हो । कपिलवस्तु नगरपालिकामा मंगलवार बाट सुरु भएको प्रतियोगितामा नगरपालिका भित्रका सामुदायिक र संस्थागत गरी २० विद्यालयहरुले प्रतिस्पर्धा गर्नेछन् । विद्यालयस्तरमा रहेका प्रतिभालाई खेलमार्फत छनौट गरी उत्कृष्ट खेलाडीहरुलाई जिल्लामा सहभागी गराउने गरी प्रतियोगिता आयोजना गरिएको कपिलवस्तु नगरपालिकाका समाजिक विकास अधिकृत पदमराज श्रेष्ठले जानकारी दिएका छन ।
एक कार्यक्रमबीच प्रतियोगिताको उद्घाटन गर्दै पुर्व राजदुत दिपकुमार उपाध्ययले खेलकुद स्वास्थ्यसँग पनि जोडिएकाले नगरपालिकाले खेलकुदलाई विशेष महत्व दिएको उल्लेख गरे । खेलाडीलाई प्रोत्साहन गर्न यस्ता कार्यक्रमको महत्वपूर्ण भूमिका रहने उल्लेख गर्दै उनले नगरपालिकाले युवाहरुलाई कुलत बटा बचाउन यस्ले महात्वपुर्ण भुमिका खेल्ने विश्वास व्यक्त गर्दै शिक्षा, स्वास्थ्य र खेलकुदलाई पनि महात्वपुर्ण स्थान दिन नगरपालिका संग अनुरोध गरेका थिए । खेलकुदले अनुशासनको विकास गराउने भएकाले यसलाई पढाइसँगसँगै अघि बढाइनुपर्नेमा नगरपालिका प्रमुख किरण सिंहले जोड दिएका छन । प्रतियोगितामा एल्लेटिक्सतर्फ १३ इभेन्टहरु हुनेगरी तालिका बनाइएको आयोजकले जनाएका छन् ।
जसमा एक सय, दुई सय, चार सय, आठ सय, एक हजार पाँच सय र तीन हजार मिटरका दौड प्रतियोगिताहरु समावेश गरिएको अयोजकले जनाएको छ । यस्तै ४ बाई १ सय रिले दौड, ४ बाई ४ सय रिले दौड, हाइजम्प, लङजम्प, त्रिपलजम्प, ज्याभलिङ थ्रो, शटफुटलगायतका प्रतियोगिताहरु हुने छ् । यसैगरी भलिबल, कबड्डीलगायतका अन्य प्रतियोगिताहरु पनि सञ्चालन हुनेछन् । उद्घाटनको अवसरमा विद्यार्थीहरुले खेलकुद विभिन्न प्रस्तुतिहरु प्रदर्शन गरेका थिए । प्रतियोगिता तीन दिनसम्म चल्नेछ ।
