फागुन २१, २०७६,काठमाडौं -२ सय बर्ष अगाडिको प्रेमकथा बोकेको फिल्म ‘प्रेमगीत ३’ को टिजर सार्वजनिक भएको छ । सन्तोष सेन निर्माता तथा निर्देशक रहेको फिल्ममा प्रदीप खड्का र क्रिष्टिना गुरुङ शिर्ष भूमिकामा छन्। टिजरमा निर्माण समूहले निक्कै मिहेनत गरेको देखिन्छ।
फिल्म निर्माणको घोषणासँगै यसको वजेट र दुई सय वर्ष पुरानो समाज देखाउने सेटिंगको कारण फिल्मको चर्चा शुरु भएको थियो। फिल्मको छायांकन उपल्लो मुस्तांग र केहि अंशको छायांकन काठमाडौँमा गरिएको थियो। सेनकाे यो पाँचौं फिल्म हो ।
