फागुन २१ एजेन्सी : बिग बोसको १३ औ सृङ्खलामा सहभागी टेलिभिजन कलाकार रश्मि देसाईले १६ वर्षको उमेरमा काष्टिङ काउचको शिकार भएको खुलासा गरेकी छिन् । उनी १६ वर्षको हुँदा एक युवकले नाजायज फाइदा उठाउने कोशिस गरेका थिए ।उनलाई अहिले पनि सम्झना छ । ति युवाले भनेका थिए ‘काष्टिङ काउच सामान्य कुरा हो । सहनुपर्छ नत्र कसैले पनि काम दिँदैनन् ।’रश्मिलाई ति युवाले काम मिलाइदिने भन्दै अडिसनका लागि बोलाए । अडिसनमा जाँदा उनी निकै उत्साहित थिइन् ।
जब उनी अडिसन दिने ठाउँमा पुगिन् निकै सुनसान थियो । ति युवाले कोल्ड ड्रिंकमा नशालु पदार्थ खुवाउने प्रयाश गरे । तर, सकेनन् । अढाइघण्टापछि उनी घर आइपुगिन् र आमालाई सबै कुरा भनिन् ।
