माधव बेल्वासे चन्द्रौटा ,२१ फागुन कपिलवस्तुको शिवराज नगरपालिका भित्र बसोवास गर्ने ३७ जना शहिद परिवारलाई नेपाल कम्युनिष्ट पार्टी नेकपाले सम्मान गरेको छ । शहिद सप्ताहको अवशरमा चन्द्रौटामा आयोजना गरेको कार्यक्रममा जनयुद्धको बेला विभिन्न कारणले देशको लागि बलिदान गर्ने शहिदका परिवारलाई दोसल्ला,नगद र सम्मान पत्रले सम्मान गरिएको हो ।
सम्मान कार्यक्रममा नेपाल कम्युनिष्ट पार्टी नेकपाका केन्द्रिय सदस्य सिराज अहमद फारुकीले शहिदका सपना पूरा गर्न सरकार लागि परेको बताउनुभयो । शहिदकै कारणले अहिले सरकार स्थायित्व बनेको भन्दै देश र जनताको लागि ज्यान गुमाएका प्रति सधै सम्मान प्रकट गर्नुपर्ने बताउनुभयो । नेकपाको बहुमतको सरकार भएकै बेला शहिद परिवारहरुका लागि निति बनाउनुपर्ने जनाउनुभयो ।
शहिद परिवारको अवस्था अहिले कस्तो छ तिनिहरुलाई कसरी संरक्षण गर्न सकिन्छ भन्ने बारेमा सरकार गम्भीर बन्नुपर्छ उहाँले भन्नुभयो असहले पनि बाहिरि शक्तिले देशमा प्रहार गरीरहेको छ ।प्रदेश कमिटि सदस्य बालकराम बुढाले देश र जनताको लागि लड्दा कतिपयले ज्यान गुमाएको र कतिपय जिउदै शहिद सरह रहेको बताउनुभयो ।
सरकार शहिद परिवारलाई व्यवस्थापनमा गम्भीर बन्नुपर्ने उहाँको भनाई छ । बलिदानलाई बलिदानै रुपमा हेर्नुपर्ने भन्दै शहिदहरुलाई अपमान गर्न नमिल्ने बताउनुभयो ।
कार्यक्रममा प्रदेश सभा सदस्य अर्जुन कुमार केसीले शहिदका सपनालाई सरकारले पुरा गर्ने बताउनुभयो ।
राज्यकै लागि बलिदान गरेका शहिदका परिवारलाई रोजगारमा प्राथमिकता दिदैँ उनीहरुको आर्थिक अबस्था माथि उकास्न पहल गर्ने बताउनुभयो । नेकपा शिवराज नगरकमिटि अध्यक्ष दिनेश पुनको अध्यक्षता,सचिव जगत पौडेलको संचालनमा रहेको कार्यक्रममा सरोज पौडेलको स्वागत मन्तव्यमा कार्यक्रम सम्पन्न भएको थियो ।
