फाल्गुण २२ – कोरोनाभाइरसले संसारभर अहिले कोलाहल झैं फैलिएको छ । कोरोनाभाइरसको संक्रमण बढ्दो हुँदा प्राय देशहरु सतर्कता अपनाउन थालेका छन् । कोरोनाभाइरसका कारण मनोरंजन छेत्र समेत प्रभावित परेका छन् ।बलिउडका नायक सलमान खान समेत कोरोनाभाइरसका कारण प्रभावित भएको खबर छ । सलमान खानको शुटिङ्ग भइरहेको चलचित्र ‘राधे’ को शुटिङ्ग कोरोनाभाइरसका कारण रोकिएको छ । भारतीय संचार माध्यममा आएको समाचार अनुसार राधे चलचित्रको थाईल्याण्डको सेड्युल केहि समयलाई रोकिएको छ ।
सलमान खान अब मुम्बईमा बाँकी शुटिङ्ग सकेर मात्र थाईल्याण्डको सेड्युल बारे छलफल गर्ने बताइएको छ । कोरोना भाइरस नियन्त्रणमा रहे मात्र चलचित्रको शुटिङ्ग थाईल्याण्डमा हुनेछ नत्र विकल्प खोजिने निर्माताले संचार माध्यमलाई जानकारी दिएका छन् । प्रभुदेवाले निर्देशन गरिरहेको चलचित्र राधे ईदमा रिलिज गर्ने तयारी रहेको छ । प्रभुदेवाको निर्देशनमा काम गरेको सलमान खानको यो तेश्रो चलचित्र हो ।
