प्युठान, २३ फागुन । समाजमा हरेक क्रियाकलापमा महिलालाई कमजोर मान्ने गरिन्छ । तर प्युठानको ऐरावती गाउँपालिका वडा नम्बर ५ दामाचौरमा रहेको अमरज्योति प्राथमिक बिद्यालय महिलाहरुकै नेतृत्वमा सञ्चालनमा रहेको छ । २०४६ चैत ५ गते स्थापना भएको विद्यालमा २०७५ माघ महिना देखि ललिता थापाले विद्यालयको प्राधानाध्यपकका रुपमा काम गर्दै आउनु भएको छ ।
त्यस यता विद्यालय महिलाहरुकै नेतृत्वमा सञ्चालनमा रहेको हो । विद्यालयमा प्राथनाको लागि घण्टी वजाउने पनि महिलानै रहनुभएको छ । विद्यालयमा प्रधानाध्यापक, सहायक प्रधानाध्यापक, शिक्षकहरु, अन्य कर्मचारी र कार्यालय सहयोगी महिला आए पछि विद्यालयको शिक्षण सिकाई प्रभावकारी बन्दै गएको छ ।
बिद्यालयको शैक्षिक वातावरण, सिकाइ उपलब्धी, व्यवस्थापन, छात्रछात्रा र अभिभावकसँगको समन्वयले विद्यालय नमुना बन्न थालेको छ । आफु शिक्षक मात्र हुदा जिम्मेवारी धेरै नहुने आफनो जिम्मेवारी पुरा गरे पुग्ने गरेको र अहिले भने प्रधानाध्यापक भए पछि कर्तव्य, जिम्मेवारी र उत्तरदायीत्व धेरै रहेको विद्यालयका प्राधानाध्यापक थापाले बताउनुभयो । विद्यालयलाई शिक्षक, अभिभावक र विद्यार्थीको त्रिकोनात्मक सम्बन्ध मार्फत शिक्षण सिकाई प्रभावकारी बनाउदै लगेको बताउनुभयो ।
हाल विद्यालयमा प्रअ सहित ७ जना शिक्षक रहेका छन भन ेजसमा ३ जना दरबन्दी मार्फत, २ जना निजि श्रोत, १ जना वालविकासका लागि र एक जना विद्यालय कर्मचारीपनि सबै महिला रहेको उहाँले बताउनुभयो । पहिले पुरुष शिक्षक भएपनि धेरैको घरपाई नमिलेका कारण यस विद्यालयमा टिक्न नसकेका कारण आफुहरुको नेतृत्वमा सञ्चालन गरेको उहाँको भनाई छ ।
विद्यार्थीहरु धेरै अनुसासित रहेको र एक पटक सिकायो भने ध्यान दिएर सुन्ने, नबुझेको सोध्ने गरेको थापाले बताउनुभयो ।
हाल विद्यालयमा भौतिक संरचना अभाव
यस विद्यालयमा भौतिक संरचनाहरु जीर्ण अवस्थामा रहेका कारण सबैभन्दा पहिले भौतिक संरचना निमार्णको काम गर्नुपर्ने उहाँले बताउनुभयो ।
अहिले गाउँपालिका मार्फत १६ लाखको लागतमा २ कोठे भवन निमार्ण हुन थालेको बताउनुभयो । साथै शैक्षिक गुणस्तर पहिले तुलनामा बढाउदै लैजाने बताउनुभयो ।
यस गाउँमा बालवालिकाको संख्यानै कम भएका कारण विद्यालयमा जम्मा ३८ जना विद्यार्थीले अध्ययन गर्दै उहाँको भनाई छ । महिलाले नेतृत्व गरेको विद्यालयमा केहि चुनौतिहरु रहेपनि राम्रा परिकल्पनाका साथ अगाडि बढेको बताउनुभयो । विद्यालयलाई बालमैत्रि, नमुना विद्यालय बनाउने आफुहरुको प्रमुख लक्ष्य रहेको उहाँको भनाई छ । विद्यालयमा हुने प्राथना, अतिरिक्त क्रियाकलाप, साहित्य जस्ता विविध क्रियाकलापको जिम्मेवारी अनुसार सवै शिक्षक साथीहरुले काम गरेको बताउनुभयो ।
विद्यालय व्यवस्थापन समितिमा पनि महिला
विद्यालय व्यवस्थापन समिति तथा शिक्षक अभिभावक संघमा महिला मात्रै रहेको उहाँले बताउनुभयो । विद्यालय व्यवस्थापन समितिको अध्यक्षमा माधवा जिसी रहनुभएको छ भने सदस्यहरुमा जानका साही, कल्पना थापा, मधु खड्का, सरिता थापा, विष्णा थापा, तारा नेपाली, अर्चना पौड्ेल र ललिता थापा रहनुभएको छ । यसैगरी शिक्षक अभिभावक संघको अध्यक्षमा निर्मला थापा रहनुभएको छ भने जसको सदस्यहरुमा अन्जिला थापा, माधवा जिसी, कमला नेपाली, तारा थापा, लक्ष्मी विक, खुमा नेपाली, कमला विक र ललिता थापा रहेको जनाईएको छ ।रासस
