फागुन २३ काठमाडौं । चीनको वुहानबाट सुरु भएको नोभेल कोरोना भाइरसले सिंगो विश्वलाई नै त्रसित बनाएको छ । भाइरसको संक्रमणका कारण विश्व अर्थतन्त्र नै थिलथिलो हुने स्थिति सिर्जना भएको छ । तीन हजार दुई सयभन्दा बढी मानिसको मृत्यु र करिब ९५ हजार मानिस संक्रमित पारेको कोरोना भाइरसको संक्रमण विश्वभरका ८४ मुलुकमा फैलिइसकेको छ ।यो भाइरस कसरी र केबाट सर्यो भन्ने अहिलेसम्म कुनै यथेष्ट प्रमाण र पुष्टि भएको छैन भने यसविरुद्धको कुनै औषधी पनि बनिसकेको छैन ।
चीनको वुहानमा कोरोनाको संक्रमण सुरु हुँदा त्यहाँको तापक्रम ९ देखि ११ डिग्री सेल्सियससम्म थियो भने हाल त्यहाँ १४ देखि १८ डिग्री सेल्सियसम्म हुने गरेको छ । त्यहाँ कोरोना संक्रमणको दरमा केही हदसम्म कमी भने आएको छ । तर, यो तापक्रम बढेकै कारण हो भन्नसक्ने आधार भने अहिलेसम्म पुष्टि भइसकेको छैन ।क्लार्क भन्छन्, “अन्य भाइरल संक्रमणजस्तै यसको संक्रमण पनि कम हुनसक्ने सम्भावना छ । यसले संक्रमणको दर कम गर्न सक्छ । तर, निश्चित भने छैन । यो एक सुझबुझ अनुमान हो ।”
२३ डिग्री सेल्सयस रहेको कतारमा पनि कोरोनाको संक्रमण देखिएको छ । इरानबाट फर्किएको एकजनामा कतारमा कोरोनाको संक्रमण देखिएको त्यहाँका सरकारी सञ्चारमाध्यमहरुले पुष्टि गरेका थिए । त्यसैगरी हाल पनि १२ डिग्री सेल्सियस रहेको इरानदेखि २५ दखि २८ डिग्री सेल्सियसम्म तापक्रम भएको नाइजेरियामा पनि कोरोनाको संक्रमण देखिएको छ ।त्यसकारण कोरोना संक्रमण तापक्रम बढ्दैमा कम हुने भन्ने पुष्टि नभएसम्म आधारहिन तर्क हुनसक्ने भन्दै सक्दो सतर्कता अपनाउन विज्ञहरुले सुझाव दिएका छन् । – एजेन्सीको सहयोगमा
