प्युठान, फागुन २३
रेडियो कुपालुमा कार्यरत पत्रकार सृजना सेनलाई गोपालदास स्मृति पत्रकारिता पुरस्कारबाट सम्मान गरिएको छ । आज सम्पन्न प्रेस संगठन नेपाल जिल्ला कमिटी प्यूठानको प्रथम जिल्ला भेलामा नगद १० हजार रुपियाँ राशीको पुरस्कार पत्रकार सेनलाई प्रदान गरिएको हो । मल्लरानी गाउँपालिका ४ खलंगा निवासी पशुपति नारायण नकर्मीले आफ्ना स्वर्गीय वुवा गोपालदास नकर्मीको स्मृतिमा पुरस्कार स्थापना गर्नुभएको हो । साथै ३० हजार रुपियाँको अक्षयकोषको पुरस्कारलाई संरक्षक नकर्मीले २० हजार रुपियाँ थप गरी ५० हजार बराबरको बनाउनुभएको छ ।
पुरस्कार ग्रहण गर्दै गरेको तस्विर (प्युठान समाचारबाट)
