फागुन २६ – नायिका करिष्मा मान्नधरले यो वर्ष होली पर्व मनाइनन् । हरेक वर्ष कलाकारहरुलाई आफ्नै घरमा बोलाएर होली मनाउँदै आएकी करिष्माले कोरोनाको संक्रमणको डरले यो वर्ष होली नमनाउने निर्णय गरेकी हुन् ।“हरेक नेपाली चाडपर्व मनाउन आनन्द लाग्छ चाहे दसैं, तिहार होस या फागु । गएको साल एसईईको परीक्षाको कारणले मनाउन पाहिएन” उनले फेसबुक पेजमा लेखेकी छिन्, “यो वर्ष उत्साह थियो ।
तर अहिलेको कोरोना संक्रमणको यो परिस्थितिमा येस्तो नजिकबट भेटघाट हुने कार्यक्रम नगरेर सुरक्षा अपनाउँदा राम्रो हुन्छ ।”होली काठमाडौं उपत्यकासहित पहाडी जिल्लामा आज र तराईमा भोलि मनाइँदै छ ।सरकारले कोरोना संक्रमणको उच्च सम्भावना रहेको भन्दै सभा, सम्मेलन तथा ठूलो संख्यामा जमघट नगर्न आग्रह गरिसकेको छ ।
