फागुन २६ –एजेन्सी :‘तेजाब’ र ‘राम लखन’ जस्तो फिल्मले माधुरी दीक्षितलाई रातारात सुपरस्टार बनाएको थियो । तर उनको बलिउडको यात्रा त्यति सहज थिएन । यसबारे भारतका वरिष्ठ फिल्म पत्रकार अली पिटर जोनले आफ्नो किताब ‘विट्नेसिङ वन्डर्स’ मा लेखेका छन् । किताबका अनुसार फिल्म नपाएका कारण माधुरी दीक्षित बी–ग्रेड गर्नका लागि बाध्य भएकी थिइन् । यसै फिल्म बन्ने क्रममा एक स्टुडियोमा उनलाई नेपाली मूलका फेसन फोटोग्राफर राकेश श्रेष्ठले देखेका थिए जसले उनको करियरलाई नयाँ मोड दियो ।
पत्रकार अली जफरले बताए अनुसार माधुरी दीक्षित आफ्ना आमा–बुवासँग एउटै कोठामा बस्थिन् । बाल्यकालदेखि नै माधुरीको रुची नृत्यमा थियो र ९ वर्षको उमेरमा महाराष्ट्र सरकारद्वारा आयोजित प्रतियोगितामा भरतनाट्यम र कथकको पुरस्कार पनि जितेकी थिइन् ।
त्यतिबेला माधुरीको परिवारको आर्थिक स्थित खासै राम्रो थिएन त्यसकारण उनका आमा–बुवाले ‘हुन्छ’ भनिदिए । नतिजा यो भयो कि माधुरीले राजश्री प्रोडक्सनको फिल्म ‘अबोध’ पाइन् । यो फिल्म फ्लप भयो ।
