२६ फागुन – दिनभरी मेलापातमा ब्यस्त, बस्तुभाउका लागि घास दाउरा, घरको चुलोचौको र परिवारका लागि खानपानको ब्यवस्था। सुदूरपश्चिमका अधिकांश गाउँबस्तीका महिलाको यस्तै दैनिकीमा पृथक परिचय बनेको छ, कौशिला भट्टको।उनी सुदूरपश्चिमकै पहिलो महिला स्काभेटर चालक बनेकी छिन्। भट्टले गत माघ २४मा यातायात कार्यालय महेन्द्रनगरबाट ‘जे २’ वर्गबाट स्काभेटरको लाइसेन्स पाएकी हुन्। ‘माघ १८ गते लिखित थियो, त्यसमा पास भए, माघ २४ गते ट्रायल दिए, त्यसमा पनि पास भएकी छु’, उनले भनिन्।
कैलालीको सहजपुरका पुष्पप्रसाद जैशीसँग ०७२मा विवाह गरेकी उनलाई चालक बन्न श्रीमान्ले सहयोग गरे।महिलाले मोटरसाईकल चलाउदा छक्क पर्ने समाज हो सुदूरपश्चिमको। यस्तै अवस्थालाई चिर्दै कौशिला सुदूरपश्चिमकै पहिलो स्काभेटर चालक बन्न सफल भएकी सेती यातायात कार्यालयका निमित्त प्रमुख वीरबहादुर ऐरले बताए।
