२६ फागुन, बुटवल । रुपन्देहीको सैनामैनास्थित मुर्गिया–सिसौडाडा सडक विस्तारका क्रममा छ । तर सैनामैना–४ सिसौडाडाका कृष्णबहादुर थापा क्षेत्रीले सडकमै पर्खाल लगाइदिएका छन् । नलागाउनु पनि किन ? सडक मिचेर बनाएको घरहरुलाई छाडेर आफ्नो बारीमा बाटो बनाएको पाएपछि उनले आफ्नो जग्गामा पर्खाल लगाएका हुन्, जसले गर्दा आवतजावत नै रोकिएको छ ।
सैनामैना नगरपालिकाले भने सडक मिचेर बनेको संरचना हटाउनुको साटो थापालाई क्षतिपूर्ति भन्दै धुरको एक लाख दिने सहमति गराएको थियो । तर सहमति कार्यान्वयन नभएपछि उनले सडकमै पर्खा लगाएका हुन् । ‘विवाद मिलाउने गरी दुई पक्षीय सहमति गरिएको हो, तर अहिले फेरि बाटो नै बन्द भएको छ’ उनले भने । उनका अनुसार पीडित थापालाई जग्गा मिचिए बमोजिम २७ धुरको २७ लाख रुपैयाँ दिने सहमति भएको थियो ।
