फागुन २८ – बलिउडमा मसला चलचित्रको क्रेज घटेको छैन । यसको पछिल्लो उदाहरण हो, ‘बाघी ३’ । नायक टाइगर श्राफ अभिनित चलचित्रले समिक्षा कमजोर पाएपनि दर्शकको साथ पनि सुखद पाइरहेको छ । कोरोना भाइरसको प्रभाव भारतमा देखिएपनि यसको व्यापारलाई ठूलो असर परेको छैन ।भारतीय बक्स अफिसमा चलचित्रले ५ दिनमा ७६ करोड ९४ लाख कमाएको छ ।

रिलिजको पहिलो दिन शुक्रबार १७ करोड ५० लाखको व्यापार गरेको यो चलचित्रले शनिबार १६ करोड ३ लाख कमाएको थियो । आइतबार भने चलचित्रको व्यापार २० करोड ३० लाख पुगेको थियो । सोमबार ९ करोड ६ लाख कमाएको यो चलचित्रले मंगलबार १४ करोड ५ लाख कमाउन सफल रह्यो ।