फाल्गुन २८,टोकियो – जापानी भाषा र सीप परीक्षा उत्तिर्ण गरेर बसेका ६० जना नेपाली युवालाई ल्याउन जापानी कम्पनीले प्रक्रिया अघि बढाएको छ । जापानको सोसियल वेलफेयर कम्पनीले केयर गिभरमा जापान आउन नियमानुसारको परीक्षा उत्तिर्ण गरेकालाई ल्याउन लागेको हो ।जापानी कामदारले पाउने समान सेवा सुविधा दिने गरी ६० जना केयरगिभर ल्याउन प्रस्ताव पेश गरेको र प्रमाणिकरणको प्रक्रियामा अघि बढेको नेपाली राजदूतावास जापानका उपनियोगप्रमुख कृष्णचन्द्र अर्यालले कारोबार दैनिकलाई जानकारी दिए ।
“कम्पनीले राजदूतावासमा मागपत्र बुझाएको छ,” उपनियोग प्रमुख अर्यालले भने, “जापानी नियमानुसारको केही कागजपत्र अपुग भएकाले मागेका छौं । प्राप्त भएपछि छिट्टै प्रमाणिकरण गरेर नेपाल स्थित वैदेशिक रोजगार विभागमा पठाउनेछौं ।”
