फागुन २८ – फ्रान्सका विश्वकप विजेता युवा फुटबल स्टार केलिएन एमबाप्पेमा कोरोना भाइरसको संक्रमण नदेखिएको सिन्ह्वाले जनाएको छ।ज्वरो र घाँटीमा समस्या देखिएपछि एमबाप्पेलाई अस्पताल भर्ना गरेर कोरोना भाइरसको परीक्षण गरिएको थियो।फ्रान्सको स्थानीय संचारमाध्यम टीएफ वानलाई उदृत गर्दै सिन्ह्वाले एमबाप्पेमा कोरोना नदेखिएको बताएको छ।बुधबार राति पीएसजी र डर्टमुन्डबीच च्याम्पियन्स लिगमा प्रतिस्पर्धा हुँदैछ। तर बिरामी एमबाप्पेले दुईदिन बिरामी भएका कारण प्रशिक्षण लिएनन्।
उनले खेल खेल्ने या नखेल्ने त्यो अनिश्चित छ।पहिलो लेगमा डर्टमुन्डले २–१ को अग्रता लिएको छ। घरेलु मैदानमा आज हुने खेलमा एमबाप्पे उपस्थित नभए पीएसजीलाई धक्का लाग्नेछ।क्वाटर फाइनल प्रवेशको निर्णायक खेलमा आज पीएसजी र डर्टमुन्डले प्रतिस्पर्धा गर्दा कुनै दर्शक उपस्थित हुने छैनन्।कोरोनाको जोखिम भएकाले दर्शकलाई प्रतिबन्ध गरिएको हो।
