फागुन २९ – बलिउड नायिका परिणिती चोपडाले कोरोना भाइरसलाई हल्का रूपमा नलिन आग्रह गरेकी छन्।उनले टुइट गर्दै कोरोना रोक्न नसकिने भाइरस भएकाले तर्क वितर्क नगरी सुरक्षित बस्न आग्रह गरेकी हुन्।चेतावनी शैलीमा उनले लेखेकी छिन्‚ ‘यो सोसल मिडियाको हल्लामात्र हो, कोरोनाभन्दा बढी फ्लुले मरेका छन् भनेर नबसौं‚ सचेत बनौं।’
यसले वृद्धलाई मात्र असर गर्छ अनि कोरोनाभन्दा स्मार्ट छु भन्ने भ्रममा नबस्न आग्रह गर्दै उनले इटालीको एक कन्टेन्ट सेयर समेत गरेकी छन् जसमा कोरोनाको प्रकोपपछिको इटलीको अवस्था र अमेरिकी मिडियाले गरेको बेवास्ताबारे लेखिएको छ।भारतमा समेत कोरोना भाइरसबाट प्रभावितको संख्या बढी रहेको छ। बढ्दो प्रकोपको जोखिम कम गर्न आपतकालीन अवस्थाबाहेकका सबै भिसा रद्द गरिसकेको छ। एजेन्सी
