फागुन ३०,एजेन्सी;बलिउड नायिका नेहा धुपिया बिहिबार सोसल मिडियामा बेस्सरी ट्रोल भइन् । नेहा आजकाल एमटीभीको शो ‘रोडिज रिभोल्यूशन’ सिजनको निर्णयकमा छिन् र यहि कार्यक्रममा उनको अभिवक्तिका कारण उनी निशानामा परेकी छिन् ।वास्तवमा कार्यक्रमका बेला एक प्रतियोगीले भनेका थिए, ‘मैले मेरी प्रेमिकालाई थप्पड हानेको थिएँ किनभने उनले मबोहक अन्य पाँचजना प्रेमी एकै पटक बनाएकी थिइन् ।’ यो कुरा सुनेपछि नेहाले रिसाउँदै भनिन्, ‘यो त ती युवतीको इच्छा हो ।’
ती युवकको कुरा सुनेपछि नेहाले रिसाउँदै भनेकी थिइन्, ‘उसले एक नभई अन्य पाँच पुरुषसँग एकैपटक डेटिङ गरिरहेको जुन बकवास गरिरहेको छस् नि ? सुन् मेरो कुरा, ऊ कोसँग घुम्ने त्यो उसको आफ्नो इच्छाको कुरा हो । सायद समस्या तैँमा छ होला । यदि उसले चीट गरिरहेकी छिन् भने सायद ऊ तँसँग खुसी छैन होला । चाहे जे सुकै होस् तँलाई एउटी केटीमाथि हात उठाउने अधिकार छैन ।’
