३० फाल्गुन २०७६ – प्रधानमन्त्री केपी शर्मा ओली शुक्रबार साँझ डिस्चार्ज हुने भएका छन् । गत फागुन २१ गते त्रिभुवन विश्वविद्यालयको शिक्षण अस्पतालमा दोस्रो पटक मिर्गौलाको प्रत्यारोपण गरेका ओली दशौँ दिन डिस्चार्ज हुन लागेका हुन् ।शिक्षण अस्पतालका कार्यकारी निर्देशक प्रेमकृष्ण खड्काले जारी गरेको विज्ञिप्तमा ओलीलाई डिस्चार्ज गर्ने उल्लेख गरिएको छ । विज्ञप्तिमा लेखिएको छ–‘प्रधानमन्त्री ज्यूलाई उहाँको पूर्णस्वास्थ्य लाभ भएकाले आज साँझ त्रिवि शिक्षण अस्पतालबाट डिस्चार्ज गरिने भएको छ ।’
