चैत २,-बलिउड नगरी मुम्बईको सिनेमा हल बन्द गर्न निर्देशन दिइएको छ। कोरोना भाइरसको बढ्दो त्राससँगै शनिबार अबेर रात महाराष्ट्रका मुख्यमन्त्री उद्धव ठाकरेले सबै सिनेमा हल बन्द गर्न दिएका हुन्।उनका अनुसार महराष्ट्रमा कोरोना भाइरसबाट संक्रमित हुनेहरु भेटिएको र यसलाई थप फैलिन नदिन सतर्कता अपनाइएको छ। उनले मुम्बई, नयाँ मुम्बई, ठाणे, पुणे र नागपुरका सम्पूर्ण सिनेमाघर बन्द गर्न आदेश दिए।
