२०७६, ३ चैत्र – कोरोना भाइरसको सुरुवात मानिएको चीनमा जनजीवन सामान्य बन्न थालेको छ । करिब २ महिनाको बन्दपछि केही स्थानको आवागनमा लगाइएको रोक हटाइएको छ । नियमन खुकुलो भएपछि स्कूल, कारखाना, राजमार्ग, पर्यटकिय क्षेत्र खुला भएका छन् ।आइतबार केबल २५ नयाँ संक्रमण देखिएको थियो । देशमा अब नयाँ रोगीको संख्यामा गिरावट आउन थालेको छ र पुराना रोगी पनि निको हुन थालेका छन् । चीनमा हालसम्म संक्रमणको संख्या ८०,८४९ रहेको छ भने ३१९९ मानिसले आफ्नो ज्यान गुमाएकमा छन् ।सिन्ह्वाका अनुसार २८ प्रान्तले राजमार्ग एक अर्काका लागि खोलेका छन् । संक्रमण फैलिएको समयमा १११९ राजमार्ग बन्द गरिएको थियो । यस मध्ये २ लाई छोडेर सबै खुला गरिएको छ । कारखाना र कार्यालय खुल्नाले कर्मचारी पनि काममा फर्कन थालेका छन् ।
युनान, सिचुवान तथा गङझाउ प्रान्तको पर्यटकिय साइट पनि यसै साता पुनः सुरु गरिने भएको छ । संक्रमण रोकिएपछि हुबेई प्रान्तमा पनि मानिस फर्कन थालेका छन् । हुबेइको वुहान सहरबाट कोरोनाभाइरस फैलिएको थियो । त्यसपछि सहरलाई लकडाउन गरिएको थियो ।कयौ हप्तापछि हुबेइ फर्किएका एक नागरिकले भने, “यहाँ अवस्था अब पहिला भन्दा राम्रो भएकोृ छ । उनी युनान प्रान्तमा महको कारोबार गर्ने गर्थे । उनी नोभेम्बरमा त्यहाँ गएका थिए । तर डिसेम्बरमा भाइरस फैलिएपछि उनी फसेका थिए । अवस्था सामान्य भएपछि अधिकारीले उनलाई फर्काइदिए ।” एजेन्सी
