चैत ४, २०७६ काठमाडौं । अभिनेता दीलिप रायमाझीको अभिनय फिल्म ‘परदेशी २’मा पनि रहने भएको छ । छायाँकनरत फिल्म ‘परदेशी २’मा दीलिप भर्खर भित्रिएका हुन् ।फिल्ममा उनी भित्रिएको जानकारी फिल्ममा अभिनेताको भुमिकामा रहेका गायक प्रकाश सपुतले दिए । सपुतले एकस्टाटस पोष्ट मार्फत फिल्ममा रायमाझी भित्रिएका जानकारी दिएका हुन् । उनले आफ्नो आइडल हिरो रुपमा समेत दीलिपको चर्चा गरेका छन् ।केही सातादेखि पोखरामा छायाँकन भैरहेको फिल्म ‘परदेशी २’मा प्रकाश र दीलिपसँगै प्रशान्त तामाङ, वर्षा सिवाकोटी, केकी अधिकारी, नीर शाह, देवेन्द्र बब्लुलगायत मुख्य भुमिकामा रहेका छन् ।