२०७६ चैत ५ -कोरोनाबाट बच्न अहिले सेलिब्रेटीहरू जनचेतना फैलाउने काममा अग्रसर बनेका छन् । हालै बलिउड अभिनेत्री अनुष्का शर्मा र दीपिका पादुकोण ‘डब्लुएचओ’ सँग सहकार्य गर्दै यो महामारीबाट बच्न जनचेतना फैलाउँदै छन् ।यसै क्रममा यी दुवै अभिनेत्रीले ‘सेफ ह्यान्ड च्यालेन्ज’ भिडियो सामाजिक संजालमा सेयर गर्दै सबैलाई हात धुने तरिका सिकाएका छन् ।
ट्विटरमा भिडियो राख्दै दीपिकाले ‘डब्लुएचओ’ ले आफूलाई यो च्यालेन्जका लागि नोमिनेट गरेकोमा धन्यवाद दिँदै टेनिस खेलाडी रोजर फेडरर, फुटबलर क्रिस्टियानो रोनाल्डो र क्रिकेटर विराट कोहलीलाई नोमिनेट गरेकी छन् ।यस्तै अभिनेत्री अनुष्काले पनि इन्स्टाग्राममा भिडियो सेयर गर्दै सफा र स्वास्थ रहन सल्लाह पनि दिएकी छन् । (नवभारत टाइम्स)
