बिमल प्रसाद पाेख्रेल प्युठान, चैत्र १७
बिश्वभर काेराना भाईरसको महामारी छ। कोरोनाले हजाराैको ज्यान लिईसकेकाे भने लाखाै जनता संक्रमित छन। तर,स्वास्थ्य बिज्ञानले समेत अझै सम्म पुर्ण रुपमा निको हुने औषधी पत्ता लगाउन सकेको छैन ।
कोरोनाको सन्त्रासका बिच प्युठानका गाउँहरुमा भने अहिले दैलाे खनेर माटाेकाे टीका लगाएपछि काेराेना नलाग्ने भ्रम फैलन थालेको छ। प्युठानकाे झिमरुक गाउपालिका ५ अाेखरकाेटका बस्तिहरुमा घरकाे मुल ढाेका अगाडि बलेनी खस्ने ठाउमा ठुला ठुला प्वाल पार्दै माटाे निकालेर स्थानियले निधारमा घस्न थालेका हुन।
महामारिकाे याे घडिमा सुरक्षित रहनुकाे साटाे स्थानियहरु हल्ला फिजाउदै घर खनेर माटाे निधारमा घस्न थालेको स्थानिय युवा दलबहादुर जि सिले बताउनुभयो । उहाका अनुसार झिमरुक गाउपालिका भित्रका धेरै जसो गाउँहरुमा यस्तो नचाहिदो भ्रम फिजिएपछी भारत र तेस्रो मुलुकबाट घर फर्किएकाहरु पनि क्वारेन्टाइनमा नबसेर लखर लखर गाउमा हिडिरहेका छन। गाउपालिका अध्यक्ष तिलक बहादुर जि सिले उनिहरुलाई क्वारेन्टाईनमा बसाल्ने प्रयास गरिए पनि नसकिएको बताउनुभयो। ‘क्वारेन्टाइनमा बस्न भन्यौं,’ उहाले भन्नुभयो,’ जति भने पनि सुन्दैन्न न प्रशासनलाई टेर्छन नत जनप्रतिनिधिलाई ।झिमरुकमा भारतबाट अाएका स्थानियहरु खुलेयाम हिडिरहेकाहरुलाई छिट्टै क्वारेन्टाईनमा राख्न सकिएन भने ठुलाे बिकराल स्थिती अाउन सक्ने तर्फ सचेत हुनुपर्ने झिमरुक १ का वडा अध्यक्ष धुर्बराज खनालले सुनाउनुभयो ।
