प्युठान, चैत्र १८
विश्वभरी महामारीको रुपमा फैलिएको कोरोना भाइरस(कोभिड 19) को संक्रमणबाट बच्न बचाउन महिला सामुदायिक लघुबित्त बित्तिय संस्था लि. शाखा कार्यालय प्युठानले प्युठान नगरपालिका-2 का स्थानिय बासिलाइ ६० थान साबुन वितरण गरेको छ।
आज संस्थाका प्युठान शाखा प्रमुख मधुसूदन थापाद्वारा स्थानिय टोल सुधार समाज समितिका अध्यक्ष झग बहादुर जि सी मार्फत गाउँ वासिलाइ साबुन वितरण गरिएको हो। स्थानियलाइ साबुन वितरण गर्दै प्युठान शाखा प्रमुख मधुसूदन थापाले यस्तो विषम परिस्थिति मा सबै एकजुट भएर अगाडि बढ्न आग्रह गरेका छन्। शाखाले प्युठान जिल्लाका विभिन्न स्थानीय तहलाइ मास्कलगायतका सामग्री उपलब्ध गराएको उनको भनाइ छ। साथै केही दिनमै जिल्लाका सम्पुर्ण तहमा दाल, चामल, तेल लगायत अत्यावश्यक सामग्री वितरण गरिने शाखा प्रमुख थापाले जानकारी दिए।
उता स्थानिय टोल सुधार समाज समितिका अध्यक्ष झग बहादुर जि सीले स्थानिय तहको ध्यान नगएको यस ठाउमा संस्थाले सहयोग गरेकोमा संस्थालाई धन्यवाद दिए।
गाउँवासिलाइ साबुन वितरण गर्दै भाइरस सम्बन्धी जनचेतनादमुलक संदेश दिइएको र चैते दशैकाे अवसरमा अाफ्ना छाेरि चेलि र बुहारिलाई घर माईत नगराउन समेत अनुराेध गरिएकाे अध्यक्ष जि सिको भनाइ छ।
काेराेना भाईरस सम्बन्धि जनचेतना मुलक कार्यमा राज्यकाे कुनै पनि उपस्थित नरहेकाे र जनचेतनामुलक पाेष्टर पम्पलेट बजार केन्द्रित रहेकाे र हाल सम्म कुनैपनि प्रचा तथा पम्पलेट गाउमा उपलब्ध नगराएकाे गुनासाे स्थानियले सुनाएकाे जानकारी अध्यक्ष जिसीले बताए।
