प्यूठान, चैत्र २२
प्युठानका स्थानिय तहहरुले गरिव तथा विपन्न परिवारका लागि राहत वितरण गर्न थाहेका छन् । जिल्ला मल्लरानि गाउँपालिकाले दैनिक मजदुरी गरेर खाने परिवारलाइ शनिवार राहत वितरण गरेको छ ।
लक डाउनको कारण कोहि पनि भोकै बस्न नपरोस् भन्ने उदेश्यले गरिव तथा दैनिक मजदुरी गरेर खाने परिवारकलाइ दैनिक उपभोग्य सामग्री वितरण गरिएको हो ।
गाँउपालिकाले तयार पारेका लगत अनुसार २२४ परिवारलाइ अति आवश्यक खाद्यान्न वितरण गरिएको मल्लरानी गाउँपालिका अध्यक्ष अमरध्वज रानाले जानकारी दिए । अध्यक्ष रानाका अनुसार ४ जनासम्मको परिवारलाइ ३० किलोग्राम चामल, २ किलोग्राम दाल, १ लिटर तेल, १ पोका नुन र ४ जनाभन्दा बढिको परिवारलाइ ४० किलोग्राम चामल, २.५ किलोग्राम दाल, १ लिटर तेल र १ पोका नुन प्रदान गरिएको हो । गाउँपालिकाको वडा नं १ मा ३४, वडा नं. २ मा ३८, वडा नं. ३ मा ४३, वडा नं. ४ मा ५५ वडा नं. ५ मा ५४ परिवारलाइ खाद्यान्न वितरण गरिएको हो ।
प्यूठानका अन्य स्थानिय तहले कुनैले राहत वितरण सञ्चालन गरिरहेका छन् भने कुनै तहले सञ्चालन गर्ने तयारीमा रहेका छन् ।
