प्यूठान, चैत्र २३
प्यूठानको झिमरुक गाउँपालिका–७ हिडँडाडामा रहेको परिवर्तनशिल बाल क्लवले गाउँ प्रवेशमा रोक लगाएको छ। क्लवको आज विहान बसेर बैठक गाउँ प्रवेशका चार वटै नाकामा प्रवेश निषेधको सूचना टाँस्ने निर्णय गरेको हो। बालबालिकाहरले कोरोना भाईरसको सचेतना बारेमा माईकिङ गरी सन्देश समेत प्रवाह गरेका छन् ।
नेपाल सरकारले लक डाउनको कडाईलाइ सफल पार्न यस्तो अभियान सुूरु गरिएको क्लवका अध्यक्ष अशोक पोख्रेलले जानकारी दिए ।कोरोना भाईरसको संक्रमणबाट बच्न र वचाउन यस्तो अभियान सुरु गरिएको उनको भनाइ छ । क्लवले गाउँमा विहे, भोज, पुँजाआजा जस्ता भिडभाड हुने कार्यक्रम गर्न समेत निषेध गर्ने निर्णय गरेको छ । गाँउवासिलाइ अतिआवश्यक काम बाहेक गाउँबाट बाहिर जान समेत रोक लगाएको उहाँले आग्रह समेत गरेको छ।
