प्यूठान, चैत्र २३
कैलाली तथा कञ्चनपुरका कोरोना भाइरस संक्रमितसँगै नेपाल आएका प्यूठानको तिन जना सम्पर्कमा आएका छन् । भारतबाट संक्रमितसँगै नेपाल आएका मध्ये ३ जना प्यूठानका रहेको खुलेको हो । उक्त व्यक्तिहरु मल्लरानी गाउँपालिका १, ऐरावति गाउँपालिका ५ र माण्डवी गाउँपालिका ४ का एकएक जना रहेको गाँउपालिका स्रोतले जानकारी दिएका छन् । गाँउपालिकाका अनुसार तिनै जना पुरुष रहेको र तिनिहरुको स्वास्थ्य अवस्था सामान्य रहेको छ ।
माण्डवी गाउँपालिकाले उक्त व्यक्तिलाइ जस्पुरमा निर्माण गरेको क्वारेन्टाइनमा राख्ने स्वास्थ्य शाखा प्रमुख ध्रुवकुमार पोख्रेलले जानकारी दिए।
यस्तै ऐरावति गाउँपालिकाले उक्त व्यत्तिसँगै परिवारसहित महेन्द्र मा.वि सरङबेसिमा राख्ने निर्णय गरिएको गाउँपालिकाको स्वास्थ्य शाखा प्रमुख राममाया गुरुङले जानकारी दिइन् । त्यसैगरी मल्लरानी गाउँपालिकाले भने कहाँ राख्ने भन्ने अझै निर्णय भइ नसकेको स्वास्थ्य शाखा प्रमुख पारस शाहीले जानकारी दिए।
