काठमाडौं– प्रदेश नम्बर ५ को शिक्षा विकास निर्देशनालयमा कार्यरत सव–इन्जिनियर सन्दीप पौडेलविरुद्ध भ्रष्टाचार मुद्दा दायर भएको छ ।
विद्यालयको भवन निर्माण कार्य सम्पन्न भइ अन्तिम किस्ता वापतको रकम निकासा गर्ने प्रयोजनका लागि लिएको १ लाख २० हजार रुपैयाँ घुससहित अख्तियारको टोलीले सव–इन्जिनियर पौडेललाई पक्राउ गरेको थियो ।
१ लाख २० हजार रुपैयाँ घुससहित पक्राउ परेका पौडेल विरुद्ध अख्तियार दुरुपयोग अनुसन्धान आयोगले शुक्रबार विशेष अदालत काठमाडौंमा मुद्दा दायर गरेको कुरा अख्तियार दुरुपयोग अनुसन्धान आयोगका केन्द्रीय प्रवक्ता प्रदीप कोइरालाले जानकारी दिए ।
अख्तियारले पौडेलविरुद्ध १ लाख २० हजार रुपैयाँ बिगो कायम गरी बिगोअनुसारको जरिवाना र अधिकत्तम १ वर्षसम्म कैद सजाय मागदाबी गरेको छ ।
