भोला गुप्ता चैत्र ३० –विजयनगर कपिलवस्तुको नारायणी आँखा अस्पतताल बहादुरगञ्जको व्यवस्थापन तथा (एन.ए.बी.पी.नर्वे) को सहयोगमा नेपाल नेत्रज्योति संघ, आँखा स्वास्थ्य कार्यक्रम राप्ती अन्तर्गत कृष्णनगर नगरपालिकालाई खाद्यान्न हस्तान्तरण गरेको छ । आँखा अस्पतताल बहादुरगञ्जले ११ क्युन्टल चामल, १ सय ५० किलो दाल, ५० लिटर तेल, १ सय किलो चिनी, ५० किलो नुन, १ सय ५० वटा नुहाउने र १ सय ५० वटा कपडा धुने साबुन लगायतका सामग्रीहरु नगरपालिकाका नगर प्रमुख रजत प्रताप शाहलाई हस्तान्तरण गरिएको आँखा अस्पताल बहादुरगञ्ज व्यवस्थापन समितिका सदस्य सुरेन्द्र बहादुर खड्काले जानकारी दिनुभएको छ ।
उहाँले राहत स्वरुप ७४ हजार ४ सय ५० पचास रुपियाँ बराबरको खाद्यान्न नगरपालिकाको राहत कोषमा उपलब्ध गरएको बताउनुभयो । यस विषम परिस्थितिमा आँखा अस्पतताल बहादुरगञ्जले अत्यावश्यक खाद्यान्न उपलब्ध गराई गरिब, विपन्न र गरी खाने परिवारका लागि सराहनीय कार्य गरेकोमा नगरपालिका नगर प्रमुख रजत प्रताप शाहले धन्यावाद दिनु भएको थियो ।
अहिले विश्वभरी महामारीको रुपमा फैलिएको कोरोना भाइरस (कोभिड–१९)को संक्रमणलाई नियन्त्रण तथा रोकथाम गर्न सरकारले लगाएको लकडाउनको चपेटामा परेका गरिब, विपन्न र गरी खाने मजदूर वर्गका लागि राहत स्वरुप उक्त खाद्यान्न आँखा अस्पतताल बहादुरगञ्जले जनाएको छ । नेपाल सरकारकको नीति अनुसार कृष्णनगर नगरपालिकाको राहत कोषमा खाद्यान्न उपलब्ध गराएको आँखा अस्पतताल बहादुरगञ्जले जनाएको छ ।
