प्यूठान, ०३ बैशाख प्यूठानको प्यूठान नगरपालिका वडा नं २ ले दैनिक मजदुरी गरेर खाने परिवारलाइ दोस्रो चरणमा बुधवारबाट खाद्यान्न राहत वितरण गर्न सुरु गरिएको छ ।लक डाउनको कारण कोहि पनि भोकै बस्न नपरोस् भन्ने उदेश्यले गरिव तथा दैनिक मजदुरी गरेर खाने परिवारकलाइ दैनिक उपभोग्य सामग्री वितरण गरिएको हो ।
वडा कार्यालयले तयार पारेका लगत अनुसार आज पहिलो दिन आरनेटा, रिचि, कट्टेपखरा लगायत क्षेत्रका ९१ परिवारलाइ अति आवश्यक खाद्यान्न वितरण गरिएको र उक्त राहत वितरण कार्यक्रम भोलि पनि चल्ने वडा अध्यक्ष मुक्ति पोख्रेलले जानकारी दिए । अध्यक्षका अनुसार परिवारको संख्याको आधारमा चामल, दाल, तेल, नुन र माक्स प्रदान गरिएको हो ।
दोस्रो चरणको राहत वितरणका वडाका संघसंस्था तथा समुह समितिहरुले नगद सहयोग गरेको उनले बताए । नव शिद्दार्थ बचत तथा ऋण सहकारीले रु ६००००, सिद्धार्थ सामुदायिक बचत तथा ऋण सहकारीले ४००००, नव ज्योती कृषि सहकारी रु २५०००, सहारा महिला बहुउद्देश्यीय सहकारीले रु १५०००, भुमेश्वरी महिला बचत तथा ऋण सहकारी रु १५०००, सल्लेरी सामुदायिक बन उपभोक्ता समितिले रु १५०००, वसन्त बहार सामुदायिक बन उपभोक्ताले रु १५०००, मौशम महिला कृषि सहकारी संस्थाले रु १००००, नमुना भुल्के बन उपभोक्ता समितिले रु १००००, मातृभूमि टोल बिकास समिति रु ५५००, विजयनगर महिला साना किसान कृषि संस्थाले रु ५००० नगद सहयोग गरेका हुन् ।
वडाले पहिलो चरणमा चैत्र २४ गते १४२ विपन्न परिवारलाइ खाद्यान्न वितरण गरिएको अध्यक्ष पोख्रेलको भनाइ छ ।
