बुटवल, २० लायन्स क्लब अफ बुटवल सेन्ट्रलले अनलाईन बैठकबाट वर्ष २०२०—२१ को लागि नयाँ नेत्रित्व चयन गरेको छ । कोरोना नियन्त्रणका लागि सरकारले गरेको बन्दाबन्दीको पुर्ण पालना गर्दै क्लबले आज अनलाईन प्रविधिबाट निर्वाचन सम्पन्न गरेको छ ।
आज सम्पन्न निर्वाचनले लायन निरज केसीलाई अध्यक्षमा निर्वाचित गरेको छ । साथै क्लबले प्रथम उपाध्यक्षमा जनुरदिन मिया , द्वितिय उपाध्यक्षमा रोहित भुषाल, तृतिय उपाध्यक्षमा बल बहादुर गोदार , सचिवमा सागरमणि पोखरेल, कोषाध्यक्षमा सुरेस ज्ञवालीलाई निर्वाचित गरेको छ । साथै एलसीआईएफ कोर्डिनेटरमा बिष्णु कुँवर, मेम्बरसीप चेयरपर्शनमा कृष्ण प्रसाद पौड्याल, मार्केटिङ चेयरपर्शनमा तिलक सुन्दर कार्कि, सर्भिस चेयरपर्शन तोयाराम पौडेल, टेल व्टिस्टरमा उत्तम अर्याल, टायमरमा राजेन्द्र थापा, लियो एडभाइजरमा विष्णु कुँवर र क्लब डाइरेक्टर्समा क्रमश: दिनेश रावल, जमाल खान, कृष्ण बन्धु अर्याल, दिनेश शर्मा, उमेश कुँवर, कृष्ण प्रसाद पाठक, राजु कुँवर, उमेश चन्द्र शर्मालाई निर्याचित गरेको क्लबका निर्वाचित एलसीआईएफ कोर्डिनेटर कुँवरले जानकारी गराउनु भएको छ ।
कार्यक्रममा निवर्तमान अध्यक्ष लक्ष्मण पोखरेलले नव निर्वाचित पदाधिकारीलाई बधाई दिदैं सफल कार्यकालको शुभकामना दिनुभएको थियो ।निर्वाचित अध्यक्ष केसीले क्लबले गर्दै आएका हरेक कार्यक्रमहरुलाई निरन्तरता दिने बताउदै आफुलाई निर्वाचन गरेकोमा धन्यबाद दिनुभएको थियो ।