सुबास बेल्बासे बैशाख २४, रुपन्देही/लकडाउनका कारण नेपाल ठप्प भएको महिनौ दिन पुगेको छ । यस्तो अवस्थामा ‘हुँदा खाने’ मात्र नभई ‘हुने खाने’हरु पनि अप्ठेरोमा परेका छन् । बजारमा तरकारीको भाउ आकाशिएको छ । अझ हरियो तरकारी त पाउनै मुस्किल छ । स्थानीय तह बजारमा भईरहेको कालो बजारीप्रति मुकदर्शक बनेका छन् । एकातिर बजारमा तरकारीको भाउ अकाशिएको छ भने अर्कोतिर किसानहरुको तरकारी बारीमै कुहिने अवस्थामा पुग्दैछ।
यसैलाइ मध्यनजर गर्दै समाजसेवी युवा जोस र जागर भएका एक कृषक लुम्बिनी बिकास मन्चको अध्यक्ष सन्दिप गुप्ताको नेतृत्वमा किसानहरुको उत्पादन भएको तरकारी कृषि एम्बुलेन्स सेवा मार्फत जनताको घर घरमा पुर्याउन सफल भएका छन। गाउँघरतिर बारीमा रहेका कृषकहरुको तरकारीलाई घर घरमा आफैं न्यूनतम दरमा बिक्री गरी रहेका छन् । बजार भन्दा धेरै कम रकममा बिक्री गरेको तथा घरघरमै पुर्याएको कारण स्थानीयवासीले केही राहत महसुस गरेका छन् ।
लकडाउनको अवस्थामा आफ्नो गाउँघरमा सहयोग गर्ने उद्देश्यले तरकारी बिक्री गर्ने गरेको र घर घरमै न्यूनतम मूल्यमा तरकारी पाए पछि गाउँलेहरु पनि खुशी भएका छन् अन्य बजार मूल्य भन्दा धेरै सहुलियत मूल्यमा घरमै तरकारी पाए का छन । रुपन्देहिका अधिकांस क्षेत्रमा यो सुबिधा उपलब्ध गराइएको छ।यसो गर्दा जनताले राहात भएको महसुस गर्नुका साथै गुप्तालाइ स्वाबासी समेत प्रदान गरेका छन।
