काठमाडौं- नेपालमा बुधबार एकै दिन थप ११४ जनामा कोरोना संक्रमित थपिएका छन् । स्वास्थ्य तथा जनसंख्या मन्त्रालयले बुधबार ११४ जना संक्रमित थपिएसँगै कूल संक्रमितको संख्या ८८६ पुगेको छ । यो नेपालमा हालसम्मकै एकदिनमा संक्रमण देखिएको उच्च संख्या हो । नेपालमा कूल संक्रमितमध्य ६९६ पुरुष र ९० जना महिला रहेको मन्त्रालयले जनाएको छ ।
मन्त्रालयका अनुसार आज देशैभरका क्वारेन्टाइनमा ७० हजार ३०५ जना रहेका छन् । पछिल्लो २४ घण्टामा २८ जना डिस्चार्ज भएका छन् । हालसम्म कोरोना निको हुने संख्या १८३ जना पुगेको छ ।
