बुटवल,असार ७ सामाजिक कार्यमा अग्रसर रोट्रयाक्ट क्लब अफ़ बुटवल डाउनटाउनले नियमित रक्तदान कार्यक्रम सम्पन्न गरेको छ । यो संगै क्लबले यो वर्ष ४ पटक रक्तदान सम्पन्न गरेको क्लबका अध्यक्ष मधु भट्टराईले बताए ।
कोहि पनि बिरामीलाई रगतको अभावले समस्या नहोस् भनि रक्तदान गरिएको कार्यक्रम संयोजक माधब अर्यालले जानकारी दिए । कार्यक्रममा क्लबका निवर्तमान अध्यक्ष अजित घतानेले आफ्ना धारणा राखेका थिए,क्लबले यो वर्ष समाज परिवर्तनका लागि गरेका धेरै कामहरुको प्रशंसा व्यक्त गरे ।क्लबले प्रत्येक ३ महिनामा रक्तदान गर्दै आइरहेको क्लबका सदस्य जिबन शर्माले बताए । रक्तदान कार्यक्रममा २९ युनिट रगत संकलन भएको क्लबका सचिब सौरभ भुसालले जानकारी दिए ।