प्यूठान,असार १६
स्वर्गद्वारीमा नगरपालिका प्यूठानका दुई जना कोरोना संक्रमित व्यक्तिले कोरोनालाई जितेर निको भइ घर जाँदै छन ।
फ्लोअपको रिपोर्ट नेगेटिभ आएसङ्गै वडा नम्बर १ कोचिबाङ्गका १७ वर्षीय र २३ वर्षीय पुरूष कोरोना जितेर कोरोनामुक्त भएको हुनाले नगरपालिका स्वास्थ्य शाखाले बधाई तथा सम्मान सहित आईसोलेसनबाट बिदाइ गरेर घर पठाउन थालेको नगर स्वास्थ्य संयोजक दल बहादुर केसीले जानकारी दिनु भयो ।
नगरपालिकाका ३९ संक्रमित मध्य २ जनाले कोरोनालाई जितेको कुरा सञ्चारकर्मीलाई बताउदै संयोजक केसीले अन्य ३७ जनाको पनि स्वास्थ्य अवस्था सामान्य रहेको बताउनु भयो । अन्य संक्रमित पनि निको भइसकेको हुनुपर्ने तर फ्लोअपको रिपोर्ट आई नसकेकोले उनीहरूलाई व्यवस्थित आईसोलेसनमा नै राखेर स्वास्थ्यकर्मीको निगरानीमै रेखदेख गरिरहिएको छ ।
