प्यूठान,असार २० । स्वर्गद्वारी नगरपालिका प्यूठानमा आज थप ३ जनामा कोरोना पोजेटिभ देखिएको छ ।
स्वर्गद्वारी नगरपालिका वडा नम्बर ८ का २० र ४६ वर्षीय अनि वडा नम्बर ६ का २४ वर्षीय पुरूषमा कोरोना संक्रमण देखिएको हो । वडा नम्बर ६ का पुरूष हिजो शुक्रवारमात्र क्वारेन्टाइनबाट निस्किएर घरमा गएका थिए ।
सरोकारवालाले तपाईंको रिपोर्ट आएको छैन तपाई घरमा नजानुहोस पछि पछुताउनु पर्ला भन्दा भन्दै पनि मेरो रिपोर्ट आएको आज ३/४ दिन भइसक्यो मैले जिल्लामा फोन गरेर बुझेको थिए तपाईहरूले मलाई रोकिराख्न मिल्दैन भनी आफ्नै जबर्जस्तिले उनी घरमा गएको जनप्रतिनिधिले जानकारी दिए ।
म मेरै घरमा सुरक्षीत बस्छु भनेर जबर्जस्ती घरमा गएका उनी हिजो साझ समुदायमा घुलमिल गरेको स्थानीयले बताएका छन । यसले समुदायमा सन्त्रास फैलिएको छ तापनी उक्त व्यक्तिको रिपोर्ट आउन ढिला गरेको हुनाले उनमा संक्रमण भएको १५/१६ दिन कटीसकेको हुनसक्ने त्यसैले उनीबाट कोरोना भाइरस अन्य नागरिकमा सर्न सक्ने क्षमता नभएको हुन सक्ने जानकारहरूले बताएका छन ।यसैले समुदायका नागरिकहरू आत्तिहाल्नु पर्दैन तैपनी सुरक्षीत बस्नु पर्ने नगर स्वास्थ्य शाखाले बताएको छ ।
