बुटवल,असार २३ । विश्वभर कोरोना भाइरस (कोभिड-१९ ) को समस्या जारी रहेकै बेला अमेरिका स्थित इन्टरनेशनल तेक्वान्दो फ्रेन्डशिप च्याम्पियनशिप (आइओएफटिसी)ले आयोजना गरेको कोभिड अन्तर्राष्ट्रिय भिडियो पुम्से च्याम्पियनशिप २०२० मा माउन्ट एभरेष्ट अकडेमी पुल्चोक बुटवलका ८ सहभागी मध्य ६ जनाले पदक जितेका हुन । जस मध्ये २ जनाले स्वर्ण, २ जनाले रजत र २ जनाले काश्य पदक जितेका छन ।
एक साता अघि पठाइएको भिडियोको नतिजा आज प्रकाशित भए अनुसार बुटवलका राष्ट्रिय तेक्वान्दो खेलाडी एवम प्रशिक्षक सुरज श्रेष्ठले सञ्चालन गरेको माउन्ट एभरेष्ट तेक्वोन्दो अकडेमीका खेलाडीहरु अर्पना भट्टराई तथा खुसी बरालले स्वर्ण पदक जितेका हुन । उनीहरुले आफ्नो उमेर समुह र वेल्टमा स्वर्ण पदक जितेका हुन ।
यसै गरि आयान कार्की र आशिश भटराईले रजत तथा सुहासी श्रेष्ठ र सरुन रजक्ले पनि आफ्नो उमेर समुहमा काश्य पदक जित्न सफल भए । प्रतियोगितामा विभिन्न १६ देशका खेलाडीको सहभागिता भएका मध्य नेपालका १ सय १ जना खेलाडी सहभागी भएका थिए ।यसै गरी २०२० जुलाई ३ देखी ५ लण्डनमा भएको वर्चुअल रेन्ज ओपेन पुम्से च्याम्पियनशिपमा भएको माउन्ट एभरेष्टका तीन जना खेलदीहरु मध्य आशिश भट्टराइले अन्डर १४ पुम्से तर्फ तेस्रो स्थान हसिल गर्न सफलता छन |
अनलाइन भिडियो मार्फत भाग लिइएको उक्त प्रतियोगिताहरुमा लकडाउनको कारणले गर्दा बढी भन्दा बढी खेलाडीहरुलाई प्रतियोगितामा समावेश गर्न नसकिएको तर पनि थोरै सहभागी खेलाडीहरुबाट आएको उत्कृष्ट परिणामले आफ्नो क्षेत्र र देशको नाम राख्न सफल हुँदा भबिस्यमा अझ राम्रो गर्ने हौसला मिलेको जानकारी प्रशिक्षक श्रेष्ठले दिनु भयो !
