प्यूठान, असार २३ । प्यूठान जिल्लाको कृषि उर्भरभुमी झिमरुक फाटमा रहेको धानबालीमा रोग लागेपछी किसान चिन्तित् भएका छन् ।
प्यूठान नगरपालिका आसपासमा रहेको धेरै जसो किसानको खेतमा धान डढ्ने खालको रोग लागेपछी किसानहरु चिन्तीत भएका हुन् । प्यूठान नगरपालिका ४ थाप्डाडा निवासी अमर बहादुर केसीको ८ मुरी खेत मध्ये ५ मुरी हुने धान बालिमा रोग लागेपछी चिन्तामा परेको गुनासो गरे ।
वर्षभरी खान पुग्ने खेतमा रहेको धानमा रोग लागे पछी विहान वेलुका धानकै हेरचाह गर्न खेतमा धाउने गरेको केसीले बताए । धान जोगाउन अनेक थरीका जुक्ती लगाए पनि अझै केही सुधार आएको छैन उनले भने –‘धान सुक्न थाले पछी प्यूठान नगरपालिकाको कृषि शाखामा खवर गरे पनि कुनै चासो देखाएको छैन’ । फौजी किरा जस्तै लागे पछी नगरपालिकामा गए त्यहाँवाट औषधी लिएर छरियो तर केहि सुधार नभएको उनको भनाइ छ ।
उता प्यूठान नगरपालिका कृषि शाखाका प्रमुख मेघराज पोख्रेल भने किसानका खेतमा पुगेर अनुगमन गर्दा धानमा सितव्लास्ट रोगको लक्षण जस्तो देखिएकोले किसानलाई विषदी लिएर धानमा छर्कन आग्रह गरेको वताए । उनले भने –‘नगरपालिकामा सो रोग निवारणका लागि औषधी नभएको हुदा किसानलाई बजारबाट कार्वडाइमेन किनेर छर्कन आग्रह गरेका छौँ ’
धानमा यो खालको रोगले पटक पटक आक्रमण गर्दा किसानलाइ हैरान दिन थाले पछी कुन रोग हो रोगको पहिचान गरी निर्मुलिकरण गर्न पहल गरीदिन सरोकारवालासंग स्थानिय कृषकहरुले माग गरेका छन् ।
