प्यूठान, साउन १८ । प्यूठान जिल्लाको प्यूठान नगरपालिका वडा नं. २ का वडा सदस्य दुर्गा बहादुर धामीको आज विहान निधन भएको छ ।
उपचारको सिलसिलामा आज बिहान भक्तपुरमा रहेको हरिसिद्धी अस्पतालमा मृत्युवरण गर्न पुग्नु भएका धामी लामो समयदेखि पेटको क्यान्सरबाट पीडित हुनुहुन्थ्यो । पेटको क्यान्सरबाट पिडित धामी क्यान्सर अस्पतालमा उपचाररत हुनुहुन्थ्यो । उपचारको क्रममा विहान उहाँको निधन भएको प्यूठान नगरपालिकाका मेयर अर्जुन कुमार कक्षपतीले जानकारी दिनुभयो ।
धामीको पार्थिव शरीरलाई अन्तिम श्रद्धान्जलीका लागि भोलि १९ गते विहान ७ बजे वडा कार्यालय दाखाक्वाडीमा राखिने उहाँले बताउनुभयो । स्थानीय तहको निर्वाचनमा तात्कालिम नेकपा एमालेबाट वडा सदस्यको उम्मेदवार बनी बिजय हासिल गर्नुभएका धामीले वडा अध्यक्ष खिम बहादुर विष्ट लामो समयमा विरामी हुँदा पनि कार्यावहक वडा अध्यक्षको जिम्मेवारी सम्हाल्नु भएको थियो ।
