काठमाडौ, साउन १८ । सबैको सपना हुन्छ, आफ्नो देशको नाम रोशन गराउने तर सबै कुराले साथ नदिदा त्यो सपना साकार हुँदैन, अत स्वस्थ नै मुख्य हो पहिले त । यस्तै सपना बोकेका महोत्तरी जिल्लाको जलेश्वरका कुन्दन सिँह पनि मृगौला समस्याका कारण आफ्नो सपना भन्दा बाहिर आउनु प¥यो ।
थुप्रै क्रिकेट प्रतियोगितासङ्गै सन २०१८ को प्रदेश २ बाट प्रधानमन्त्री कप राष्ट्रिय क्रिकेट प्रतियोगितामा उत्कृष्ट प्रदर्शन गरेका उनी सबैको सपनाको केन्द्रिय राजधानी काठमाण्डौँ आए । काठमाण्डौँ आएका उनको स्वास्थ्यमा समस्या भएपछी चेक जाँचको लागि वीर अस्पतालमा पुगे । चेक जाचँ गएपछी उनलाई मिग्रौलाको समस्या भएको थाहा भयो । यो खबर सुन्दा उनी चिन्तित त भए त्यसैसङ्ग उनको सपना पनि केही रुपमा पूरा नहुने अवस्थामा गए । मनमा अनेक प्रश्न उत्पन्न हुन थाल्यो । तर डाक्टरले हौसला दिदै उपचार के कसरी गर्ने सम्बन्धमा जानकारी दिए । यसरी काठमाण्डौँको बसाई सकेर अपुरो यात्रा लिएर उनी आफ्नो गृहजिल्ला महोत्तरी फर्किए । अब उनी जहाँ गए पनि म बाचुला कि मरुला यस्तै प्रश्नको उनको मनमा सिर्जना हुने उनि वताउछन् । आफ्नो बुवा आमा समेत गुमाएका उनी मामा माइजु सँगै बस्दै आएका छन् । आर्थिक स्थिति कमजोर भएका कारण यो रोगसङ्ग लड्न सक्ने उक्त परिवारमा क्षमता समेत छैन ।
कुन्दन अहिले जनकपुरको जनकपुर प्रादेशिक अस्पतालमा उपचाररत छन् । करिब आजभन्दा ९ महिना अघि दुबै मिर्गौला फेल भएका उनी, अहिले डाईलासिसको साहारा लिईरहेको कुन्दनलाई केही आशा भन्ने पक्कै पलाएको छ । जिन्दगीबाट हार मानिसकेका कुन्दनलाई पछिल्लो समय केही सहयोग प्राप्त हुन थालेपछी केही आशा भने पलाएको छ । अभियन्ता रुपमा उभिएका बिज्ञान कार्कीले उनको लागि विभिन्न माध्यमबाट सहयोग जुटाईरहेका छन् ।
श्रावण १४ सम्म १ लाख ५४ हजार २९१ रकम प्राप्त भएको मध्ये ५५,५५५ कुन्दनलाई हस्तान्तरण गरिसकेको अभियन्ता कार्कीले बताए । आजको दिनमा सम्म १ लाख ७० हजार भन्दा बढी रकम संकलन भएको कार्की वताउछन् । कुन्दनको सहयोगको लागि १०/१५ लाख लाग्ने अनुमान गरिएको छ । मिग्रौलाको र्डालासिस गराई रहेका कुन्दनमा अहिले जटिल समस्या नपरेको तथा डाक्टरले समेत हेरचाह गरेको बताइएको छ ।
उनको उपचारको लागि नेपाल, अमेरिका, मलेसिया, कतार लगायत अन्य देशबाट सहयोग भएको कार्कीले बताउछन् । कुन्दनलाई विभिन्न व्यक्ति साथै प्रदेश न. २ क्रिकेट संघले १ लाख सहयोग गरेको छ उनि भन्छन् –“त्यहाँको स्थानीय सरकारले कुरा गरे पनि अहिलेसम्म सहयोग प्राप्त भएको छैन” । साथै केन्द्रीय तहबाट समेत सहयोग प्राप्त नभएको कार्कीले वताउछन् । साथै कुन्दन बचाउ अभियानमा सहयोग गर्न चाहेमा ईसेवा –९८०६७७७२६० र बैंकमा सहयोग गर्न चाहेमा ९८८१३३३४६७ मा कल गरेर सम्पर्क गर्न समेत अभियन्ता कार्कीले अनुरोध गरेका छन् ।
