काठमाडौं ,साउन १९ । आफ्नो फरक-फरक प्रस्तुति मार्फत छोटो समयमा धेरै दर्शक बनाएका गायक प्रकाश सपुतको तीज गीत ‘बदला बरीलै’ सार्वजनिक भएको दुई दिनमै युट्युब ट्रेन्डिङको शीर्ष स्थानमा पर्न सफल भएको छ ।
गीतमा पुरुषले समाजमा महिलाप्रति गर्ने दुर्व्यवहालाई झल्काउन खोजिएको छ । केहि समयता नेपालमा घटेका विभिन्न घटनालाई चित्रण गर्दै महिलाको वेदनालाई गीत मार्फत प्रस्तुत गरेको उक्त गीतमा देवि घर्ती मगरको स्वर रहेको छ, शब्द तथा संगित प्रकाश सपुतले आफै गरेका छन। गीत प्रकाश सपुतको आफ्नै युट्युब च्यानलमार्फत बजारमा आएको हो । आजसम्म उक्त भिडियोलाई १० लाख २० हजार भन्दा बढीले हेरिसकेका छन ।
