काठमाण्डौँ, साउन २१ । मेलम्चीमा पहिलोमा परि ज्यान गुमाएकाहरुको शव विरगञ्ज पठाइएको छ ।
मेलम्ची नगरपालिका–११ मा वर्षापछि माथिबाट आएको पहिरो खस्दा पुरिएर मृत्यु भएका दुई जनाको शव बोलेरो जिपमा वीरगञ्ज पठाइएको इलाका प्रहरी कार्यालय मेलम्चीले जनाएको छ ।
हेलिकप्टरमार्फत लग्ने भनिए पनि अन्तिम समयमा बोलेरो जिपमा पठाइएको इलाका प्रहरी कार्यालय मेलम्चीका प्रहरी निरीक्षक फलबहादुर तामाङले वताए । आफन्तको सल्लाह अनुसार नै शव पठाइएको उनको भनाई छ ।
आइतबार प्रदेश सरकारले निर्माण गर्न लागेको कभर्डहल निर्माण गर्दै गरेका कामदार बसेको घर पहिरोले पुरिएको थियो । पहिरोमा परेर वीरगञ्जका ४२ वर्षीय राजेन्द्र चौरासिया, ३५ वर्षीय प्रदीप चौरासिया, २५ वर्षीय विक्रम थिङ, २३ वर्षीय मानबहादुर रुम्बा, २० वर्षीय सिमन घ्लान, २१ वर्षीय शिवबालक धामी, १७ वर्षीय सोनाम लामा र एक जना भारतीय नागरिक राजेन्द्र चौधरी मृत्यु भएको थियो भने पहिरोबाट जीवितै उद्धार गरिएका एक भारतीय नागरिकको उद्धार गरिएको थियो ।
