काठमाण्डौँ, साउन २४ । क्यारेबियन प्रिमियर लिग (सिपिएल) खेल्नका लागि ट्रिनिडाड एण्ड टोबागो गएका नेपाली क्रिकेट खेलाडी सन्दिप लामिछानेको कोरोना भाइरसकापरीक्षणको नतिजा नेगेटिभ आएको छ ।
सिपिएलका लागि टोबागो पुगेका सन्दिपको गरिएको पहिलो परिक्षणमा पिसिआर रिपोर्ट नेगेटिभ आएको सन्दिपका व्यवस्थापक रमन शिवाकोटीले जानकारी दिए । गत साता सिपिएल खेल्न टोबागो पुगेका सन्दिप हाल १४ दिनको क्वारेन्टिनमा बसेका छन् । उनिलगायत खेल्ने सबैे १४ दिनको क्वारेन्टिनमा बस्नुपर्ने र कोरोना परीक्षण अनिवार्य गराउनुपर्ने नियम भएकाले सन्दिपलगायत प्रतियोगिताका सबै खेलाडीहरुलाई होटलमा क्वारेन्टिनका रुपमा राखिएको छ । ।
सिपिएल आगामी भदौ २ गतेदेखि शुरु हुनेछ । सन्दिपलाई यसपटक सिपिएलका लागि ९० हजार अमेरिकी डलरमा जमैका तल्लावाहजले अनुबन्ध गरेको छ ।
