काठमाडौँ, साउन २५ । बलिउड अभिनेता सञ्जय दत्त अस्पताल भर्ना भएका छन् । श्वासप्रश्वासमा समस्या देखिएपछि उनि मुम्बईस्थित लिलावती अस्पतालमा भर्ना भएका भारतिय सञ्चार माध्यमले जनाएका छन् ।
भारतिय सञ्चार माध्यमले जनाएअनुसार श्वासप्रश्वासमा समस्या देखिएपछि उनमा कोरोनाभाइरस संक्रमणको आशंका गरिएको थियो । तर, उनको पिसीआर टेस्ट रिपोर्ट नेगेटिभ आएको हो ।
अस्पतालको स्रोतका अनुसार उनलाई अस्पतालको आइसीयू वार्डमा राखिएको भएता पनि स्वास्थ्यमा गम्भीर समस्या देखिएको छैन।
