प्यूठान, साउन २६ । प्यूठानमा १४ जना सेनासहित थप २३ जनामा कोरोना संक्रमण पुष्टि भएको छ ।
सोमवार प्रादेशिक जनस्वास्थ्य प्रयोगशालाम गरिएको परिक्षणमा ईन्द्रध्वज गण प्यूठानका १४ जना सेना सहित २३ जनामा कोरोना संक्रमण पुष्टि भएको जिल्ला स्वास्थ्य कार्यालय प्यूठानले जनाएको छ ।
स्वास्थ्य कार्यालय प्यूठानका अनुसार ईन्द्रध्वज गण प्यूठानको क्वारेन्टाइनमा बसेका १४ जना सेना, स्वर्गद्वारी नगरपालिकाका क्वारेन्टाइनमा ६ जना, मल्लरानी गाउँपालिकाका क्वारेन्टाइनमा बसेका १ जना, जिल्ला प्रहरी कार्यालयको हिरासतमा रहेको १ जना र १ जनाको ठेगाना खुलेको छैन ।
